بروسیلز : یورپی کمیشن کی سربراہ اورسولا فون ڈیر لائن کا کہنا ہے کہ امریکی صدر ڈونالڈ ٹرمپ کی جانب سے اعلان کردہ نیا ٹیرف عالمی معیشت کے لیے ایک ’’بڑی ضرب‘‘ ہے۔اورسولا نے آج جمعرات کے روز اپنے بیان میں ٹرمپ کے فیصلے پر’’گہرے افسوس‘‘ کا اظہار کیا۔ ان کا کہنا تھا کہ یورپی ممالک جواب دینے کے لیے تیار ہیں۔ اگر امریکی انتظامیہ کے ساتھ مذاکرات ناکام ہو گئے تو “مخالف تدابیر پر مشتمل نیا پیکج” سامنے لایا جائے گا۔ازبکستان کے دار الحکومت میں پڑھے جانے والے بیان میں یورپیئن کمیشن کی سربراہ کا کہنا تھا کہ “امریکی ٹیرف کے جواب میں اقدامات پر مشتمل پہلا پیکج حتمی مراحل میں ہے”۔ٹرمپ نے بدھ کے روز یورپی یونین پر 20% کے بلند ٹیرف کا اعلان کیا تھا۔
