ممبئی، 28اکتوبر (یو این آئی) شیوسینا (ٹھاکرے گروپ ) کے سینئر رہنما اور رکن پارلیمنٹ سنجے راوت نے مرکزی وزیر داخلہ امیت شاہ پر شدید تنقید کرتے ہوئے کہا کہ انہوں نے سیاست کو کاروبار کی طرح چلایا ہے ۔ راوت کے مطابق شاہ نے بھارتیہ جنتا پارٹی کے اندر ایسے لوگوں کی ایک نسل تیار کی ہے جو سماجی خدمات سے زیادہ کاروباری سوچ رکھتے ہیں۔یہاں نامہ نگاروں سے گفتگو کرتے ہوئے راوت نے کہا کہ امیت شاہ نے اپنی سیاسی زندگی ایک تاجر کی طرح شروع کی اور آج بھی اسی رویے پر قائم ہیں۔ راوت نے طنز کرتے ہوئے کہا کہ بی جے پی اب ایک سیاسی جماعت کم اور کاروباری ادارہ زیادہ لگتی ہے ۔
انہوں نے شاہ کے اس بیان پر سخت ردعمل ظاہر کیا جس میں انہوں نے اتحادی جماعتوں کو ”بیساکھی” قرار دیا تھا۔ راوت نے کہا کہ اگر نائب وزرائے اعلیٰ ایکناتھ شندے اور اجیت پوار میں عزت نفس کا ذرا سا بھی احساس باقی ہے تو انہیں فوراً حکومت چھوڑ دینی چاہیے ۔
سنجے راوت نے یاد دلایا کہ ماضی میں جب بی جے پی مہاراٹشرا میں تقریباً نامعلوم تھی، تب شیو سینا کے بانی بالاصاحب ٹھاکرے نے ان کے ساتھ اتحاد کیا اور انہیں سیاسی طاقت بخشی۔ ”تب بی جے پی کے پاس اپنے پوسٹر لگانے والے کارکن بھی نہیں تھے
