نئی دہلی : پارلیمنٹ کی سیکورٹی میں سنگین و کوتاہی کیمعاملے پر دونوں ایوانوں میں اپوزیشن کا ہنگامہ جاری ہے۔ اپوزیشن اراکین پارلیمنٹ لگاتار یہ سوال اٹھا رہے ہیں کہ آخر وزیر داخلہ اور وزیر اعظم اس معاملے پر کوئی بیان پارلیمنٹ میں کیوں نہیں دے رہے ہیں۔ اپوزیشن کے ہنگامہ کو دیکھتے ہوئے دونوں ایوانوں کے سربراہان بار بار کارروائی ملتوی کر رہے ہیں۔ اس درمیان کانگریس کے قومی صدر ملکارجن کھرگے نے ایک بیان میں مرکزی وزیر داخلہ امیت شاہ کو طنز کا نشانہ بنایا ہے۔ انہوںنے سوال کیا ہے کہ پارلیمنٹ کی سیکورٹی میں کوتاہی معاملے پر وزیر داخلہ کوئی بیان کیوں نہیں دے رہے ہیں؟ جبکہ وہ ٹیلی ویژن پر انٹرویو ضرور دے رہے ہیں۔کھرگے نے اس سلسلے میں ایک ٹوئٹ کیا ہے جس میں یہ بھی لکھا ہے کہ کیا اس مسئلہ پر سوال کرنے والے اراکین پارلیمنٹ کو معطل کرنا انصاف ہے؟ پارلیمنٹ کی سیکورٹی میں چوک معاملے پر اپوزیشن اراکین پارلیمنٹ کو ناجائز طریقے سے معطل کرنا کہاں کا انصاف ہے؟ کانگریس صدر کا کہنا ہے کانڈیا اتحاد کی پارٹیوں کا مطالبہ ہے کہ امیت شاہ پارلیمنٹ میں بیان دیں اور پھر دونوں ایوانوں میں اس پر بحث ہو۔ قومی سیکورٹی کے اس سنگین موضوع پر آواز اٹھانا ہماری ذمہ داری ہے، پارلیمانی مذہب ہے۔قابل ذکر ہے کہ کانگریس جنرل سکریٹری جئے رام رمیش نے بھی ملکارجن کھرگیکی بات پر اتفاق ظاہر کیا ہے۔ انڈیا اتحاد کی پارٹیوں کے قائدیننے 13 دسمبر کو پارلیمنٹ کی سیکورٹی میں چوک معاملے پر وزیر داخلہ امیتشاہ سے دونوں ایوانوں میں بیان دینے کا مطالبہ کیا ہے۔
