چنئی : مرکزی وزیر داخلہ اور بھارتیہ جنتا پارٹی (بی جے پی) کے سینئر لیڈر امت شاہ نے ہفتہ کو ریاستی سطح کے پارٹی لیڈروں اور کور کمیٹی کے اراکین سے ملاقات کی۔ شاہ نے انڈیا سیمنٹس کی پلاٹینم جوبلی تقریبات میں شرکت کی۔ اس دورے کا استعمال ریاستی قیادت کے ساتھ بات چیت کے لیے کیا تاکہ 2024 کے انتخابات سے قبل پارٹی کو مضبوط بنایا جا سکے ۔ یہ میٹنگ بی جے پی ہیڈکوارٹر کی تمل ناڈو یونٹ کملالیم میں ہوئی، جہاں بی جے پی کارکنوں نے مسٹر شاہ کا پرتپاک استقبال کیا۔ انہیں روایتی پورہ کمبھ بھی دیا گیا اور ان کے پہلے دورے کے دوران مندر کے ایک پجاری نے انہیں ہار پہنایا۔ اس موقع پر پارٹی دفتر کو سجایا گیا ہے ۔ بحث میں بی جے پی کے ریاستی صدر کے ۔ انا ملائی اور سینئر قائدین سمیت سینئر عہدیداروں کے علاوہ بیس سے زیادہ پارٹی کی کور کمیٹی کے اراکین موجود تھے ۔ انامالائی کے مطابق تمل ناڈو کی سیاست میں موجودہ سیاسی منظر نامہ پارٹی کے لیے ریاست میں قدم جمانے کا بہترین موقع ہے ۔
