بیجنگ ۔ 20 ستمبر (ایجنسیز) چینی وزارت کامرس کا کہنا ہے ٹک ٹاک کے معاملے پر چین کا مؤقف واضح ہے، چینی حکومت اداروں کی خواہشات کا احترام کرتی ہے، کمپنیوں کو خوش آمدید کہتے ہیں کہ وہ منڈی کے اصولوں کی بنیاد پر کاروباری مذاکرات کریں۔ چین کی وزارتِ کامرس کی جانب سے جاری کیے گئے بیان میں امید کا اظہار کرتے ہوئے کہا گیا ہے کہ امید ہے امریکہ چین کے ساتھ تعاون، اور وعدوں کو ایمانداری سے پورا کرے گا۔ چین کا کہنا ہے کہ امید کرتے ہیں امریکہ ٹک ٹاک سمیت چینی کمپنیوں کو کاروبار کے لیے کھلا، منصفانہ، غیر امتیازی کاروباری ماحول فراہم کرے گا اور دوطرفہ اقتصادی تجارتی تعلقات میں مستحکم، پائیدار ترقی کے فروغ کے لیے چین کے ساتھ مل کر کام کرے گا۔
ہالینڈ کی رکن فلسطینی پرچم والی شرٹ پہن کر پارلیمنٹ میں آگئیں
ہیگ۔ 20 ستمبر (یو این آئی) ہالینڈ کی رکن پارلیمنٹ نے فلسطینیوں سے اظہاریکجہتی کے لیے فلسطینی پرچم کے رنگوں میں رنگ گئیں۔ بین الاقوامی میڈیا رپورٹس کے مطابق ہالینڈ کی ایم پی ایسٹراووہینڈ ایوان میں فلسطینی پرچم والا لباس پہن کر آئیں تو اس غیرمعمولی اقدام پر انہیں سخت مزاحمت کا سامنا کرنا پڑا۔ رکن پارلیمنٹ فلسطینی پرچم کے رنگ پہننے پر ایوان سے نکال دی گئیں۔ انہیں لباس تبدیل کرنے کی ہدایت دی گئی جس پر عمل کرتے ہوئے انہوں نے فلسطینی پرچم والی شرٹ تبدیل کردی۔ ایسٹراووہینڈ نے پارلیمانی بحث میں فلسطینی پرچم کے رنگ کی شرٹ پہن رکھی تھی جو عالمی سطح پر فلسطینیوں سے اظہاریکجہتی کی عکاس ہے ۔