اجمیر:صوفی بزرگ خواجہ معین الدین حسن چشتی ؒکیخلاف ٹی وی اینکر امیش دیوگن کے مبینہ ریمارکس کے الزام میں درج معاملات کی مشترکہ تفتیش اب راجستھان کے اجمیر کے درگاہ تھانہ کرے گی۔سپریم کورٹ کے حکم پر درگاہ پولیس اب ان معاملات کی تفتیش کرے گی۔ مسلمانوں نے درگاہ تھانہ میں ان تبصروں کیخلاف سخت احتجاج کرتے ہوئے سب سے پہلے معاملہ درج کرایا تھا۔ اس کے بعد ، ملک کے مختلف حصوں میں مختلف افراد نے معاملات درج کروائے ، لیکن سپریم کورٹ کے بینچ نے ہدایت کی ہیکہ تمام معاملات کی ایک ہی جگہ درگاہ تھانہ پر تفتیش کی جائے ۔اس سلسلے میں درگاہ پولیس اسٹیشن میں تعزیرات ہند کی مختلف دفعات اور آئی ٹی ایکٹ کی دفعہ 66 کے تحت مقدمہ درج کیا گیا ہے ۔ یہ الزام لگایا جاتا ہیکہ دیوگن نے 15 جون 2020 کو پروگرام کی بحث کے دوران خواجہ اجمیری ؒکے بارے میں بیہودہ تبصرہ کیا تھا۔
