انجلی چند کا ایک اور غیرمعمولی مظاہرہ ،ایک رن دیکر 4 وکٹ

   

نئی دہلی۔10 ڈسمبر (سیاست ڈاٹ کام ) ٹی 20 کرکٹ میں گزشتہ کچھ دنوں میںبولروں کی غیر معمولی کارکردگی دیکھنے کوملی ہے۔ چاہے ہندوستانی کرکٹ ٹیم کے دیپک چہرکی ہیٹ ٹرک ہو یا پھرنیپال خواتین کرکٹ ٹیم کی انجلی چند۔ دیپک چہرنے جہاں بنگلہ دیش کے خلاف ناگپورٹی 20 میچ میں محض 7 رن دے کر6 وکٹ حاصل کئے تھے وہیں اب انجلی نے ساؤتھ ایشین گیمس میں مالدیپ کے خلاف بغیررن دیئے 6 وکٹ لے کرتاریخ رقم کردی تھی۔ دلچسپ بات یہ ہے کہ انجلی کا پہلا مقابلہ میچ بھی تھا۔ لیکن اب ساؤتھ ایشین گیمس میں انجلی نے ایک اورکرشمائی کارکردگی کی ہے۔ دراصل، انجلی نے مالدیپ کے خلاف دوبارہ کھیلے گئے میچ میں اپنے 4 اوورمیں محض ایک رن دے کرچارکھلاڑیوں کوپویلین کی راہ دکھائی۔ انہوں نے تین میڈن اوورپھینکے۔ انجلی چند کی اس بہترین کارکردگی کی بدولت مالدیپ کی ٹیم محض 8 رنوں پرسمٹ گئی۔ نیپال نے 7 گیندوں پرہی بغیروکٹ گنوائے ہدف حاصل کرلیا۔ انجلی کے علاوہ نیپال کے لئے سیتا رانا اوربیلباشی نے فی کس دو وکٹ حاصل کئے۔ وہیں کھاٹی واڑہ اورکرونا بھنڈاری کے حصے میں بھی فی کس ایک وکٹ آیا۔ نیپالی خواتین کرکٹ ٹیم کی بولر انجلی چند نے اپنے پہلے میچ میں بغیررن دیئے6 وکٹ لے کر تاریخ رقم کی تھی۔