بھوپال: مدھیہ پردیش کے وزیر اعلی شیوراج سنگھ چوہان نے آج بتایا کہ اندور نے ایک اور اختراع کرتے ہوئے درختوں کے لیے ٹری ایمبولینس کی شروعات کی ہے ۔ نامہ نگاروں سے بات چیت کے دوران چوہان نے کہا کہ اندور نے ایک اور اختراع کی ہے ۔ انسانوں اور جانوروں کے علاج کے لیے ایمبولینس کا استعمال کیا جاتا تھا لیکن اب اندور میں درختوں کے علاج کے لیے ایک ٹری ایمبولینس شروع کی گئی ہے ۔ اگر کوئی پودا بیمار ہو تو اس کی دیکھ بھال اور علاج ٹری ایمبولینس کے ذریعے کیا جا سکتا ہے ۔ انہوں نے کہا کہ وزیر اعظم نریندر مودی کا یہ کہنا درست ہے کہ اندور وقت سے آگے چلتا ہے ۔
