قاہرہ : انسانی امداد سے لدے 200 ٹرک بارڈر کراس کرکے غزہ روانہ ہوگئے ہیں۔ویب سائٹ کے مطابق اسرائیلی انتظامیہ کی طرف سے کئی دنوں سے کراسنگ بند تھی جس کے باعث انسانی امداد کی ترسیل معطل ہوگئی۔مصری ذرائع نے کہا ہے کہ ’انسانی امداد پر مشتمل ٹرک کرم ابو سالم کراسنگ سے سرحد عبور کر رہے ہیں۔ذرائع نے کہا ہے کہ ’ٹرکوں میں غذائی امداد کے علاوہ ادویہ ہیں جبکہ 4 ٹرکوں میں ایندھن ہیں جو غزہ کے ہسپتالوں تک پہنچایا جائے گا۔ذرائع نے بتایا ہے کہ ’غزہ جانے والے ٹرکوں میں سے ہر ٹرک میں15 سے 20 ٹن سامان موجود ہے۔واضح رہے کہ اقوام متحدہ کی ریلیف اینڈ ورکس ایجنسی برائے فلسطینی پناہ گزین ’اونروا‘ نے کہاہے کہ غزہ میں تقسیم کرنے کے لیے اس کے پاس امداد کا ذخیرہ ختم ہوچکا ہے۔
