اسلام آباد: پاکستان کے شمال مغربی صوبہ خیبر پختونخواہ (کے پی) کے ضلع خیبر میں عسکریت پسندی مخالف آپریشن میں دو دہشت گرد مارے گئے ۔ فوج کے میڈیا ونگ انٹر سروسز پبلک ریلیشنز (آئی ایس پی آر) نے ایک بیان میں کہا کہ سیکیورٹی فورسز نے دہشت گردوں کی موجودگی کی اطلاع پر ضلع کے علاقے باڑہ میں جمعہ کی دیر رات خفیہ اطلاعات پر مبنی آپریشن شروع کیا۔ آپریشن کے دوران ان کے فوجیوں اور دہشت گردوں کے درمیان شدید فائرنگ کا تبادلہ ہوا جس میں دو دہشت گرد مارے گئے ۔ بیان میں کہا گیا ہے کہ مارے گئے دہشت گرد سیکورٹی فورسز کے خلاف دہشت گردانہ سرگرمیوں کے ساتھ ساتھ معصوم شہریوں کے قتل میں بھی شامل تھے ۔ آئی ایس پی آر کے مطابق علاقے میں موجود کسی بھی دہشت گرد کا خارتمہ کرنے کے لیے علاقے میں بھرپور مہم چلائی جاری ہے ۔
