اجمیر، 16 جولائی (ایجنسیز)اجمیر پولیس نے انسٹاگرام پر فحش اور نازیبا مواد پھیلانے کے الزام میں دو لڑکیوں سمیت چار افراد کو گرفتار کر لیا ہے۔ پولیس نے بتایا کہ یہ گروہ Mehakpari143 نامی انسٹاگرام اکائو نٹ کے ذریعہ شہرت اور مالی فائدے کے لیے عوام میں فحاشی پھیلا رہا تھا۔ایس پی کرشن کمار بشنوئی نے تصدیق کی کہ مہک اور پری کافی عرصے سے فحش ریلس بنا رہی تھیں۔ ان ویڈیوز میں نازیبا زبان، فحش اشارے اور اشتعال انگیز مکالمے شامل تھے، جو ضرار عالم نامی شخص ایڈیٹ کرتا تھا۔ پولیس کے مطابق ان لوگوں نے انسٹاگرام پر فالوورز بڑھانے اور ماہانہ 25,000 سے 30,000 روپے کمانے کے لیے یہ حکمت عملی اپنائی تھی۔ تاہم عوام کی جانب سے موصول ہونے والی درجنوں شکایات کے بعد پولیس نے مقدمہ درج کر کے کارروائی شروع کی۔
