لندن۔ شمالی افریقی ملک تیونس سے تعلق رکھنے والی انس جابر نے پہلی مرتبہ ومبلڈن کے کوارٹر فائنل تک رسائی حاصل کرکے تاریخ رقم کردی ۔ لندن میں جاری ٹینس چمپئن شپ میں تیونس سے تعلق رکھنے والی انس جابر نے پولینڈ سے تعلق رکھنے والی خاتون کھلاڑی ایگا شو اٹیک کو شکست دے کر ومبلڈن ٹینس چمپئن شپ کے کوارٹر فائنل تک رسائی حاصل کی ۔انس جابرکوارٹر فائنل تک رسائی حاصل کرنے والی پہلی عرب خاتون ہیں۔26 سالہ انس جابر ویمن چمپئن شپ کے ساتویں روز اور سنگل کے چوتھے راؤنڈ میں پولینڈ سے تعلق رکھنے والی فرنچ چمپئن کے مدمقابل آئیں۔انہوں نے میں 5-7 ،6-1 اور 6-1 سے شکست دی۔
