اگرتلہ، 18 مئی (یو این آئی) تریپورہ حکومت نے ہفتہ کو 1994 بیچ کے آئی پی ایس افسر انوراگ کو ریاست کا نیا ڈی جی پی مقرر کیا۔انوراگ اپنی ریٹائرمنٹ سے قبل امیتابھ رنجن کی جگہ لیں گے ، جو 1988 بیچ کے آئی پی ایس افسر ہیں۔اطلاعات کے مطابق اپنی تقرری کے فوراً بعد انوراگ نے رات کو ڈی جی پی کا چارج سنبھال لیا۔ پولیس سربراہ کے طور پر ان کی تقرری سے پولیس رینک اور فائل میں خوشی کا ماحول ہے اور پولیس ہیڈ کوارٹر سمیت مختلف پولیس یونٹوں میں تقریبات کا انعقاد کیا گیا۔انوراگ سی ایف ٹی آر آئی، میسور سے فوڈ ٹکنالوجی میں پوسٹ گریجویٹ ہیں، عثمانیہ یونیورسٹی سے پولیس مینجمنٹ میں ماسٹر ڈگری اور این اے ایل ایس اے آر یونیورسٹی، حیدرآباد سے سائبر کرائمز میں پی جی ڈپلومہ حاصل کر چکے ہیں۔انوراگ نے سب ڈویژنل پولیس افسر سے لے کر ڈائریکٹر جنرل (انٹیلی جنس) تک کے مختلف کرداروں میں 30 سال سے زیادہ تریپورہ پولیس کی خدمات انجام دیں۔ 2003-04 کے دوران وہ کوسوو میں اقوام متحدہ کے مشن برائے امن میں شامل رہے اور 2005 سے 2013 کے دوران انہوں نے سنٹرل بیورو آف انویسٹی گیشن (سی بی آئی) میں خدمات انجام دیں۔
