نئی دہلی۔11 ڈسمبر (سیاست ڈاٹ کام) ہندوستانی کرکٹ ٹیم کے کپتان ویراٹ کوہلی اور انوشکا شرما کے درمیان کتنی الفت ہے ہر کوئی جانتا ہے۔ بغیر کہے ہی دونوں ایک دوسرے کی باتوں کو سمجھ جاتے ہیں۔ دونوں کی ملاقات ایک اشتہار کے دوران ہوئی تھی اور پھر دونوں دوست بنے۔ اس کے بعد دوستی نے محبت کا رخ اختیار کرلیا۔ کوہلی کے بموجب انوشکا کے آنے سے ان کی پوری زندگی ہی بدل گئی۔ یہ بہت کم لوگ جانتے ہیں کہ انوشکا شرما سے ملنے سے پہلے کوہلی کافی پریشان تھے۔ اسی وجہ سے انہوں نے انوشکا شرما سے ایک غلط بات کہہ دی تھی۔ خود وراٹ کوہلی نے ایک ٹی وی شو میں اس کا انکشاف کیا۔ کوہلی نے کہا کہ جب وہ پہلی مرتبہ انوشکا سے ملے تو وہ کافی گھبرائے ہوئے تھے ۔ اپنی گھبراہٹ کو چھپانے کیلئے انہوں نے ایک کوشش کی جو ناکام ہوتے ہوتے رہ گئی ۔ پہلی بات چیت کے بارے میں پوچھنے پر کوہلی نے کہا کہ انہوں نے جو کہا تھا وہ شاید کہنا صحیح نہیں تھا۔ وراٹ نے انکشاف کیا کہ اس وقت انوشکا ہیلز پہنے سیٹ پر پہنچی تھیں جس سے وہ ان سے درازقد نظر آرہی تھیں۔ جس پر کوہلی نے کہا کہ کیا آپ کو اس سے بھی اونچی ہیلز نہیں ملی۔ ان کے منھ سے یہ بات سن کر انوشکا نے کہا کہ ایسکیوز می جس پر کوہلی نے بات کو سنبھالتے ہوئے کہا کہ وہ مذاق کر رہے ہیں ۔ ان کا وہ مذاق اس وقت کافی عجیب ہوگیا تھا۔ ایک مذاق کے ساتھ شروع ہوئی دوستی 2017 میںازدواجی رشتے میں بدل گئی۔
