نئی دہلی، 17 مئی (یو این آئی) ہندوستانی خواتین کی شطرنج کے ابتدائی دنوں میں کھڈلکر بہنوں نے ہندوستانی خواتین کی شطرنج کی دنیا پر ایک خاص مدت تک غلبہ قائم رکھا اور اس کے بعد بھاگیہ شری تھپسے اور انوپما گوکھلے نے شطرنج میں اپنی اعلی ذہانت کا استعمال کرتے ہوئے شطرنج میں ہندستانی خواتین کی نمائندگی کرکے دنیا کے سامنے ایک نئی مثال قائم کی۔ اگر ہم سب سے زیادہ ٹائٹل جیتنے کی بات کریں تو پدم شری اور ارجن ایوارڈ یافتہ انوپما گوکھلے ہندوستان کے بڑے ناموں میں سے ہیں۔ اپنی غیر معمولی ذہانت اور حکمت عملی کی درستگی کیلئے مشہور شطرنج کھلاڑی انوپما نے ہندوستانی شطرنج کے منظر نامہ پر انمٹ نقوش چھوڑے ہیں۔ 17 مئی 1969 کو ممبئی میں پیدائش والی انوپما گوکھلے ہندوستانی شطرنج اور دنیا کی ممتاز شخصیت ہیں، جو اس کھیل میں اپنی کامیابیوں اور شراکت کیلئے مشہور ہیں۔ انوپما نے چھوٹی عمر سے ہی شطرنج میں مہارت دکھائی اور مسابقتی کھیل کی صفوں میں تیزی سے اپنا نام روشن کیا۔
