نئی دہلی، 6 فروری (سیاست ڈاٹ کام) وزیراطلاعات روی شنکر پرساد نے جمعرات کو راجیہ سبھا میں بتایا کہ سپریم کورٹ نے آئین کے تحت تقریر اور اظہار کے بنیادی حقوق کے تعلق سے خیالات اورنظریہ کو پیش کرنے میں انٹرنیٹ کے استعمال کو صحیح قرار دیا ہے ۔مسٹر پرساد نے اس کے ساتھ ہی کہا ہے کہ اس معاملے میں آئین کی توضیعات کے مطابق انٹرنیٹ کے استعمال پر پابندی اور ضابطوں کا نفاذ بھی ہوگا۔مسٹر پرساد نے راجیہ سبھا میں وقفہ سوال کے دوران انٹرنیٹ کے بنیادی حق کے معاملے میں دریافت کئے گئے ایک سوال کے جواب میں یہ بات کہی۔انہوں نے ایک دیگر سوال کے جواب میں کہا کہ پوسٹ کارڈ اور انتردیشی خط عام لوگوں کے درمیان بات چیت کا ذریعہ ہے اور ایک پوسٹ کارڈ کے بھیجنے پر 12 روپے خرچ ہوتے ہیں لیکن اس پر سبسڈی دی جاتی ہے۔
