حرمین شریفین کے مناظر اور مناسک حج کے مشاہدہ کی سہولت
ریاض : سعودی وزارت اسلامی امور کی جانب سے مراقش میں ’جسور‘ کے عنوان سے ’حج تھری ڈی‘ نمائش کے تیسرے ایڈیشن کا اہتمام کیا گیا۔ نمائش میں وزیٹرزکو تھری ڈی ٹیکنالوجی کے ذریعے مناسک حج کی ادائیگی کے مناظر دکھائے گئے جو انتہائی منفرد تجربہ رہا۔ وزارت نے مخصوص سمارٹ فونز پراستعمال ہونے والی مخصوص ایپ ’حج تھری ڈی‘ کے بارے میں بھی آگاہ کیا جس کے ذریعے وہ حرمین شریفین کے مناظر اور مناسک حج کا باسانی مشاہدہ کرسکتے ہیں۔ حج تھری ڈی ایپ کی خصوصیت یہ ہے کہ اسے انٹرنیٹ کے بغیر بھی آپریٹ کی جاسکتا ہے۔علاوہ ازیں اسے استعمال کرتے ہوئے دور بیٹھے ہوئے افراد حرمین شریفین کے روح پرور مناظر بھی دیکھ سکیں گے۔ایپ میں متعدد زبانوں کی سہولت فراہم کی گئی ہے جن میں اردو، انگلش ، فرنچ اورعربی شامل ہے۔ایپ کے ذریعہ زائرین اہم معلومات بھی حاصل کرسکتے ہیں جب کہ آڈیو اورویڈیو کی سہولت بھی اس میں فراہم کی گئی ہے۔ یہ ایپ اینڈرائیڈ اورآئی او ایس سسٹم پر بآسانی کام کرتا ہے۔