تل ابیب: اسرائیلی میڈیا رپورٹ میں دعویٰ کیا گیا ہے کہ انڈونیشیا کے ایک سینئر سرکاری عہدیدار اور امریکہ میں مقیم پاکستانیوں کا ایک وفد اسرائیل پہنچا ہے جہاں وہ صدر اسحاق ہرزوگ سے ملاقات بھی کریں گے۔اسرائیل کے نجی ٹیلی ویژن نیوز چینل کے مطابق انڈونیشیا کے ایک اعلٰی عہدیدار اسرائیل کے دورہ پر ہیں۔ دونوں ممالک کے درمیان تعلقات کی بحالی کے لیے رواں سال کے آغاز سے وزارت خارجہ کی سطح پر خفیہ مذاکرات جاری تھے۔ رپورٹ کے مطابق گزشتہ برس اگست میں بھی انڈونیشیا کے سرمایہ کاروں، تاجروں اور ٹیکنالوجی کے ماہرین پر مشتمل ایک وفد نے اسرائیل کا دورہ کیا تھا۔ مئی میں پاکستانی وفد نے ملاقات کی تھی، اسرائیلی صدر کی تصدیق آئی ٹوئنٹی فور نیوز نے یہ بھی دعویٰ کیا کہ اس وقت ایک پاکستانی وفد بھی اسرائیل میں موجود ہے۔ وفد میں 9 افراد موجود ہیں جن میں 4 پاکستان میں رہتے ہیں جب کہ دیگر میں پاکستانی نژاد امریکی اور برطانوی شامل ہیں۔ اسرائیلی نیوز چینل نے انکشاف کیا کہ پاکستانی وفد میں سابق وزیرمملکت اور ملکی کرکٹ بورڈ کے چیئرمین نسیم اشرف بھی شامل ہیں جب کہ ایک پاکستانی صحافی بھی ہیں تاہم انھوں نے شناخت خفیہ رکھی ہے۔ واضح رہیکہ نسیم اشرف مشرف دور میں وزیر اور پاکستان کرکٹ بورڈ کے چیئرمین رہے ہیں۔ میڈیا کے مطابق پاکستانی وفد کا یہ دورہ ثقافت، سیاحت اور جیو پالیٹکس کے تناظر میں کیا گیا ہے۔ دفترخارجہ نے پاکستان کے کسی وفد کے دورہ اسرائیل کے تاثر کو مسترد کردیا تاحال اسرائیلی نیوز چینل کے اس دعوے کی نہ تو اسرائیل اور نہ پاکستان و انڈونیشیا کی جانب سے تردید یا تصدیق کی گئی ہے۔واضح رہیکہ رواں برس اسرائیلی صدر نے دعویٰ کیا تھا کہ انھوں نے اپریل کے آخر اور مئی کے شروع میں اسرائیلی سرزمین پر ایک پاکستانی وفد سے ملاقات کی تھی۔تاہم اس وقت وزارت خارجہ نے کسی بھی پاکستانی وفد کی اسرائیلی دورے کی تردید کی تھی۔
