مدینہ منورہ : روٹ ٹو مکہ اینیشیٹو کے تحت انڈونیشیا سے عازمین حج کی پہلی پرواز مدینہ منورہ کے لیے روانہ ہوچکی ہے۔ انڈونیشیا کے شہر سورابایا کے جوانڈا انٹر نیشنل ایئرپورٹ پر انڈونیشی عازمین کو تمام ایمگریشن سہولتیں فراہم کی گئیں۔روٹ ٹو مکہ کے تحت عازمین حج کو ان کے اپنے ملک میں تمام سفری کارروائیاں انجام دی جاتی ہیں۔سعودی عرب پہنچنے پر انہیں بسوں کے ذریعہ ان کے ہوٹلوں میں پہنچایا جاتا ہے جہاں ان کا سامان انہیں مل جاتا ہے۔سعودی وزارت حج و عمرہ نے انڈونیشیا کے علاوہ پاکستانی عازمین کیلئے بھی روٹ ٹو مکہ کی سہولت فراہم کر رکھی ہے۔ انڈونیشیا سے روانہ ہونے والے پہلے قافلے کو سعودی سفیر فیصل بن عبد اللہ العامودی نے عازمین حج کو الوداع کیا ہے۔
