جکارتہ، 16 اپریل (سیاست ڈاٹ کام) انڈونیشیا کے ساحل کے قریب بحر مولوکا میں جمعرات کو زلزلہ کے تیز جھٹکے محسوس کئے گئے ۔امریکی جیولوجیکل سروے (یوایس جی ایس ) کے مطابق بحرمولوکا کے پاس بدھ کو 21:03 بجے زلزلہ کے تیزجھٹکے محسوس کئے گئے ۔ریکٹر اسکیل پر زلزلہ کی شدت 5.6 تھی۔زلزلہ کا مرکز شمالی صوبہ مالوکو کے ترنتے شہر سے شمال مغرب میں 83 کلومیٹر دورزمین کے اندر 29.1 کلومیٹرکی گہرائی میں واقع تھا۔زلزلہ سے کسی جان مال کے نقصان کی اطلاع نہیں ہے ۔
