جکارتہ۔22فبروری ۔(سیاست ڈاٹ کام) انڈونیشیا کے یوگیہ کرتا صوبہ میں سیلاب سے آٹھ لوگوں کی موت اور 23دیگر زخمی ہوگئے ۔قومی آفت ایجنسی نے ہفتہ کو بتایا کہ یہ حادثہ اس وقت ہوا جب ایک اسکول کے اسکاوٹ کلب کے 249طلبا ایک ندی کے نزدیک ٹریکنگ کررہے تھے اور اسی وقت شدید بارش کی وجہ سے ندی میں پانی کی روانی اچانک تیز ہوگئی۔ایجنسی کے ترجمان اگس وبوو نے کہا کہ ندی کے اچانک تیز بہاو سے ٹریکنگ کررہے کچھ طلبا بہہ گئے ۔زخمی طلبا کو یوگیہ کرتا کے ایک ہاسپٹل میں داخل کرایا گیا ہے ۔انہوں نے کہاکہ لاپتہ تین طلبا کو تلاش کرنے کے لئے تلاش و بچاو مہم شروع کی گئی ہے ۔خیال رہے کہ جنوری میں ہوئی موسلا دھار بارش کی وجہ سے آئے سیلاب اور زمین تودے گرنے سے راجدھانی جکارتہ اور اس کے آس پاس کے علاقوں میں تقریباََ 70لوگوں کی موت ہوگئی جبکہ ہزاروں لوگوں کو پناہ گاہ خالی کرنے پر مجبور ہونا پڑا۔
