جکارتا: انڈونیشیا کے صوبہ جنوبی سلاویسی کے علاقے لووو میں ایک شہری فجر کی نماز کیلئے مسجد جا رہا تھا کہ اسے راستے میں 70 سالہ امام محمد یوسف زخمی حالت میں نظر آئے۔ میڈیا رپورٹ کے مطابق شہری نے فوری طور پر امام مسجد کو اسپتال منتقل کیا۔ تاہم وہ جانبر نہ ہو سکے۔ اس حوالے سے حکام کا کہنا ہے کہ امام مسجد کے سر پر کوئی آہنی چیز ماری گئی جس سے ان کا خون بہت زیادہ مقدار میں بہہ گیا اور یہی ان کی موت کا باعث بنا۔ پولیس حکام کا کہنا ہے کہ ایک مشتبہ شخص کو حراست میں لیا گیا ہے ۔
