دبئی، 18 اگست (ایجنسیز) ایشیا کپ 2025 میں انڈیا اور پاکستان کے میچز کی وجہ سے اسپانسرشپ اور اشتہارات کے ریٹ آسمان سے باتیں کرنے لگے۔ انڈیا۔ پاکستان میچ کے دوران ٹی وی اشتہار کا ریٹ 10 سکنڈ کا 16 لاکھ روپئے ہوگیا جبکہ کوپریزنٹنگ پارٹنرشپ کا ریٹ 18 کروڑ روپئے ہے۔ اسوسی ایٹ پارٹنرشپ کا ریٹ 13 لاکھ روپئے رکھا گیا ہے اور اشتہار کے پیاکیج کی قیمت 4.48 کروڑ روپئے ہے۔ ڈیجیٹل ایڈ ریٹس میں کوپریزنٹنگ اور ہائی لائٹس پارٹنر 30، 30 کروڑ روپئے جبکہ کوپاورڈ پیاکیج 18 کروڑ روپئے میں دستیاب ہے، رائٹس ہولڈرز کو ایشیا کپ کی ریکارڈ ویور شپ کی اُمید ہے۔ ایشیا کپ 9 ستمبر سے یو اے ای میں ہو گا جس میں بھارت اور پاکستان ایک ہی گروپ میں ہیں۔ انڈو پاک میچ 14 ستمبر کو مقرر ہے۔ دونوں کا سوپر فور مرحلے میں ممکنہ مقابلہ 21 ستمبر کو ہوگا جبکہ فائنل میں پہنچنے کی صورت میں ایونٹ کا تیسرا انڈیا۔ پاکستان میچ بھی ممکن ہے۔
