راہول گاندھی سے مٹھائی کا تحفہ ملنے پر ایم کے اسٹالن کا جذباتی بیان
چنائی :تاملناڈو کے وزیر اعلیٰ اور ڈی ایم کے صدر ایم کے اسٹالن نے کہا کہ ’’ہم جیت رہے ہیں، انڈیا اتحاد 4 جون کو یقیناً ’میٹھی جیت‘ ڈیلیور کرے گا۔‘‘ تاملناڈو کے وزیر اعلیٰ اور ڈی ایم کے صدر ایم کے اسٹالن نے ہفتہ کے روز سوشل میڈیا پلیٹ فارم ’ایکس‘ پر ایک پوسٹ کیا ہے جس میں اس یقین کا اظہار کیا ہے کہ 4 جون کو انڈیا اتحاد ’میٹھی جیت‘ ڈیلیور کرے گا۔ دراصل راہول گاندھی نے اسٹالن سے جمعہ کو ملاقات کی اور اس دوران انھیں مٹھائی بطور تحفہ پیش کیا۔ اس کی ویڈیو کانگریس نے جمعہ کے روز اپنے ایکس ہینڈل سے شیئر بھی کی تھی جس پر اسٹالن نے آج اپنا رد عمل ظاہر کیا ہے۔ اسٹالن جمعہ کو ریاستی دورہ پر پہنچے کانگریس لیڈر راہول گاندھی سے ’میسور پاک‘ میٹھائی حاصل کر کے جذباتی نظر آئے۔ انھوں نے کہا کہ ’’میرے بھائی راہول گاندھی کے ’میٹھے اخلاق‘ نے مجھے جذباتی کر دیا۔ 4 جون کو انڈیا اتحاد یقینی طور پر ’میٹھی جیت‘ ڈیلیور کرے گا۔‘‘ قابل ذکر ہے کہ کانگریس نے گزشتہ روز جو ویڈیو ایکس ہینڈل پر شیئر کیا تھا، اس میں دیکھا جا سکتا ہے کہ راہول گاندھی کوئمبٹور میں میسور پاک خریدنے کیلئے سڑک کے ڈیوائیڈر کو پھاند کر میٹھائی کی ایک دکان کی طرف تیزی سے بڑھ رہے ہیں۔ جب وہ دکان کے اندر پہنچے تو دکاندار نے سوال کیا کہ کیا خریدنا چاہیں گے۔ راہول نے جواب دیا ’’مجھے اپنے بھائی اسٹالن کیلئے میسور پاک چاہیے۔‘‘
اس کے بعد میٹھائی کی دکان پر انھیں میسور پاک چکھنے کیلئے دیا گیا اور اسے چکھنے کے بعد راہول گاندھی نے پیسے بھی ادا کیے۔ بعد ازاں راہول گاندھی نے دکان میں موجود اسٹاف کے ساتھ تصویر بھی کھنچوائی۔ ویڈیو میں راہول گاندھی اور اسٹالن کی ملاقات کو بھی دکھایا گیا ہے جب راہول میسور پاک اسٹالن کو بطور تحفہ پیش کرتے ہیں۔ کانگریس نے اس ویڈیو کے ساتھ لکھا تھا ’’راہول گاندھی نے ایم کے اسٹالن کو مشہور میسور پاک تحفہ میں دیا اور یہ تاملناڈو کے لوگوں کے ساتھ ان کے اچھے رشتوں کی علامت ہے۔
