نئی دہلی، 12 دسمبر (یواین آئی) شہری ہوا بازی کے ڈائریکٹوریٹ جنرل (ڈی جی سی اے ) نے انڈیگو بحران کے سلسلے میں چار فلائٹ آپریشن انسپکٹرز (ایف او آئی) کو برطرف کر دیا ہے ۔ ڈی جی سی اے کے 11 دسمبر کو جاری کردہ حکم نامے میں کہا گیا ہے کہ ان عہدیداروں کو فوری طور پر ڈی جی سی اے سروس سے فارغ کردیا گیا ہے اور وہ اپنے پرینٹس تنظیموں میں لوٹ جائیں گے ۔جن اہلکاروں کے خلاف کارروائی کی گئی ہے ان میں کنسلٹنٹ (ڈپٹی چیف ایف او آئی) رشی راج چٹرجی، سینئر ایف او آئی سیما جھمنانی، کنسلٹنٹ ( ایف او آئی) انیل کمار پوکھریال اور کنسلٹنٹ ( ایف او آئی) پریم کوشک شامل ہیں۔ واضح رہے کہ دسمبر کے پہلے ہفتے میں انڈیگو کی ہزاروں پروازیں منسوخ کر دی گئی تھیں، جس سے عوام کو کافی پریشانی کا سامنا کرنا پڑا تھا۔ اس کا اثر اب بھی محسوس کیا جا رہا ہے ، کیونکہ حکومت کے فاصلے کی بنیاد پر زیادہ سے زیادہ ہوائی کرایوں کو محدود کرنے کے فیصلے کے باوجود ٹکٹ کی قیمتیں آسمان کو چھو رہی ہیں۔ سب سے خراب صورتحال 5 دسمبر کو تھی، جب انڈیگو کی 1,500 سے زیادہ پروازیں منسوخ کر دی گئیں۔
حکومت نے بحران کی تحقیقات کے لیے چار رکنی کمیٹی تشکیل دے دی ہے ۔ مزید برآں، انڈیگو کو حکم دیا گیا ہے کہ وہ اپنے موسم سرما کے شیڈول پروازوں میں 10 فیصد کمی کرے ۔
