گوہاٹی: آسام میں گوہاٹی سے ڈبرو گڑھ جارہی انڈیگو کی فلائٹ کے انجن میں اتوار کی صبح اچانک خرابی آگئی۔ پائلٹ نے ایئرپورٹ افسران سے رابطہ کیا اور گوپی ناتھ بوردولوئی بین الاقوامی ایئرپورٹ پر ایمرجنسی لینڈنگ کرائی گئی۔ فلائٹ نمبر 6E2652 نے صبح تقریبا 8.40 بجے گوہاٹی سے اڑان بھری اور تقریبا 20 منٹ کے اندر واپس ایئرپورٹ پر لوٹ آئی۔ اسی طیارہ میں پٹرولیم اور قدرتی گیس کے وزیر مملکت رامیشور تیلی اور بی جے پی کے دو ارکان اسمبلی پرشانت پھوکن اور تیرش گووال سمیت 150 سے زیادہ مسافر سفر کررہے تھے۔
