لندن ۔ برطانوی میڈیا نے کہا ہے کہ نیوزی لینڈ کے فیصلے کے بعد انگلش ٹیم کا دورہ پاکستان بھی غیر یقینی ہوگیا ہے۔شیڈول کے مطابق انگلینڈکی مینز اور ویمن ٹیمیں 9 اکتوبر کو اسلام آباد پہنچیں گی، مینز ٹیم کی قیادت ایان مورگن اور ویمن ٹیم کی قیادت ہیتھر نائٹ کریں گی۔انگلینڈ کی ٹیم راولپنڈی میں13 اور 14 اکتوبر کو دو ٹی ٹوئنٹی میچز کھیلینے ہیں ،جس کے بعد انگلش ٹیم 15 اکتوبر کو اسلام آباد سے دبئی روانہ ہوجائے گی جبکہ خاتون کرکٹ ٹیم 3 ونڈے میچز کے لیے 21 اکتوبر تک اسلام آباد میں رہے گی۔پی سی بی کے مطابق پاک انگلینڈ خاتون ونڈے میچز 19 ،17 اور 21 اکتوبر کو ہوں گے۔پاکستان اور انگلینڈ کے تمام میچ نیشنل اسٹیڈیم کراچی میں ہونے ہیں ،تاہم آپریشنل اور لاجسٹک وجوہات کی بنیاد پر میچ راولپنڈی منتقل کیے گئے۔واضح رہے کہ نیوزی لینڈ کرکٹ ٹیم نے سیکیورٹی خدشات کے پیشِ نظر دورہ پاکستان ختم کردیا ہے، پاکستان کرکٹ بورڈ (پی سی بی) نے کہا ہے کہ نیوزی لینڈ کرکٹ نے آج کہا ہے کہ انہیں کوئی سیکیورٹی انتباہ موصول ہوا ہے جس کے بعد انہوں نے یک طرفہ طور پرسیریز منسوخ کردی ہے۔کرکٹ بورڈ نے کہا ہے کہ وزیرِ اعظم عمران خان نے نیوزی لینڈ کی وزیرِ اعظم کو سیکیورٹی کی یقین دہانی بھی کروائی۔
