لندن۔ اولڈ ٹریفورڈ میں موجود ویسٹ انڈیز کی کرکٹ ٹیم نے 14 روزکا قرنطینہ مکمل کرلیا۔ پہلے مرحلے میں وارم اپ میچ مقرر ہے۔ ویسٹ انڈیز اور انگلینڈ کی درمیان پہلا ٹسٹ 8 جولائی سے ساؤتھ ہمپٹن میں کھیلاجانا ہے۔دوسری جانب انگلینڈ کی کرکٹ ٹیم کے 30 کرکٹرز اورپندرہ رکنی اسپورٹس اسٹاف ساؤتھمپٹن کرکٹ گراؤنڈ کے فائیواسٹار ہوٹل کے تیسری منزل پر قیام کرے گا۔ ہوٹل منتقل ہونے سے پہلے دستے کے تمام ارکان کے کورونا ٹسٹ ہوں گے۔ رپورٹ آنے تک سب کمروں میں ہی موجود رہیں گے۔ کسی کو ان سے ملنے جلنی کی اجازت نہیں ہوگی۔ہوٹل کے ریسٹورنٹ کو انگلینڈ ٹیم کے ڈائننگ ہال میں تبدیل کردیا گیاہے تاکہ سماجی دوری کا خیال رکھتے ہوئے کھانا کھایا جاسکے۔کھلاڑی اور کوچنگ اسٹاف اسٹیڈیم کے مخصوص زونز میں ہی داخل ہوسکیں گے۔
