سڈنی۔ دورۂ انگلینڈ کیلئے آسٹریلیا کرکٹ ٹیم کا 21 رکنی اسکواڈ خصوصی طیارے سے انگلینڈ روانہ ہوگیا۔شیڈول کے مطابق 4 ، 6 اور 8 ستمبر کو ساوتھمپٹن میں ٹی ٹوئنٹی میچ ہوں گے جبکہ 11 ، 13 اور 16 ستمبر کو ون ڈے میچ مانچسٹر میں کھیلے جائیں گے ۔ آسٹریلوی کرکٹ ٹیم کے سابق کپتان اسٹیو اسمتھ نے کہا کہ انگلینڈ میں سیریز کے دوران کراؤڈ کو مس کروں گا، انگلینڈ کے خلاف سیریز اچھی ہو گی۔ آسٹریلیائی بلے باز اسٹیو اسمتھ نے کہا ہے کہ وہ اس بار انگلینڈ میں گذشتہ سال شائقین کے ذریعے گھیرا بندی کو مس کریں گے ۔ آسٹریلیائی ٹیم اتوار کے روز انگلینڈ کے دورے کے لئے چارٹرڈ فلائٹ سے انگلینڈ روانہ ہوگئی۔ اسمتھ کے حوالے سے کرکٹ ڈاٹ کام نے نقل کیا ہے کہ میں وہاں بیٹنگ کرنا پسند کرتا ہوں لیکن بدقسمتی سے مجھے اکسانے اور حوصلہ افزائی کرنے والے شائقین اور ناظرین نہیں ہوں گے ۔ انہوں نے کہا کہ میں نے انگلینڈ کے ٹیسٹ میچ دیکھے ہیں۔ اور ہم جانتے ہیں کہ ان کی محدود اوورز کی کارکردگی پچھلے کچھ سالوں میں لاجواب رہی ہے ۔ یہ ایک زبردست سیریز بننے جارہی ہے ۔ 2019 میں انگلینڈ میں کھیلی جانے والی ایشز سیریز میں اسمتھ نے شاندار کارکردگی کا مظاہرہ کیا تھا ۔ اس سے قبل وہ انگلینڈ میں کھیلے گئے ورلڈ کپ میں بھی اچھی کارکردگی کا مظاہرہ کرنے میں کامیاب رہے تھے۔ اس سال کوویڈ ۔19 کی وجہ سے میچ بایو سیکیور ببلز میں کھیلے جائیں گے اور اسی وجہ سے تماشائی اسٹیڈیم نہیں آئیں گے ۔ آسٹریلیا کا دورہ انگلینڈ 4 ستمبر سے 8 ستمبر تک تین میچوں کی ٹی ٹوئنٹی سیریز سے شروع ہوگا۔ اس کے بعد تین ون ڈے میچوں کی سیریز 11 ستمبر سے 16 ستمبر تک کھیلی جائے گی۔ ٹی ٹوئنٹی سیریز ساؤتھمپٹن کے ایجز باؤل میں کھیلی جائے گی جبکہ ون ڈے سیریز مانچیسٹر کے اولڈ ٹریفورڈ میں کھیلی جائے گی۔
