ممبئی: مہاراشٹرا کے سابق وزیر داخلہ انل دیش مکھ کو منگل کو ایک خصوصی عدالت میں پیش کیا گیا جس کے بعد ان کا کووڈ ٹسٹ سمیت طبی معائنہ کرایا گیا۔ انہیں آج صبح انفورسمنٹ ڈائریکٹوریٹ نے اپنی تحویل میں لے لیا تھا یہاں تک کہ منی لانڈرنگ معاملے میں ان سے پوچھ گچھ پیر کو رات دیر گئے تک جاری رہی۔ذرائع نے بتایا کہ انہیں کووڈ ٹسٹ سمیت دیگر طبی ٹسٹ کرانے کے بعد ان کے ریمانڈ پر سماعت کے لیے خصوصی عدالت میں پیش کیا گیا۔ ذرائع کے مطابق وہ پوچھ گچھ میں تعاون نہیں کر رہے تھے اور اپنے جوابات بار بار تبدیل کر رہے تھے ۔ اس کے بعد انہیں دوپہر ڈیڑھ بجے گرفتار کرلیا گیا۔ انفورسمنٹ ڈائریکٹوریٹ کے ذرائع نے بتایا کہ دیشمکھ سے ایجنسی کے ذریعہ جمع کئے گئے مبینہ ثبوتوں پر پوچھ گچھ کی گئی۔ ان میں معاملے کے ایک گواہ کا بیان بھی شامل ہے۔
