ممبئی : مہاراشٹر میں شیوسینا کے دو گروپسکے درمیان کشیدگی جاری ہے۔ تازہ ترین معاملہ ممبئی کے دادر علاقے کا ہے جہاں سی ایم ایکناتھ شنڈے کی قیادت میں اودھو ٹھاکرے دھڑے اور شیوسینا کے دھڑے کے حامیوں میں جھڑپ ہوئی۔ ایکناتھ شنڈے گروپ کے حامیوں اور اودھو ٹھاکرے کے حامیوں کے درمیان سوشل میڈیا پوسٹ پر تصادم کے بعد پولیس نے ادھو ٹھاکرے گروپ کے 5 کارکنوں کو گرفتار کرلیا۔ ممبئی پولیس کے ایک بیان کے مطابق اس معاملے میں 30 سے زیادہ لوگوں کے خلاف مقدمہ درج کیا گیا ہے۔ ساتھ ہی پولیس کی اس کارروائی کو اودھو دھڑے نے یک طرفہ قرار دیا ہے۔ادھو گروپ اور شنڈے گروپ کے کئی لیڈر دادر پولیس اسٹیشن میں جمع ہوئے۔ دادر میں تصادم کے معاملے پر ایکناتھ شنڈے گروپ کے ایم ایل اے سدا سرونکر اور ان کے لوگ کل رات دادر پولیس اسٹیشن پہنچے اور انہوں نے اودھو گروپ کے لوگوں کے خلاف مقدمہ درج کرایا۔ وہیں اودھو ٹھاکرے گروپ کے ایم ایل سی سنیل شندے نے سدا سرونکر پر فائرنگ کا الزام لگایا ہے۔ پولیس پورے معاملے کی جانچ کر رہی ہے۔ شیو سینا پر حق کی لڑائی سپریم کورٹ پہنچ گئی ہے- جہاں اس معاملے کی سماعت جاری ہے۔ دریں اثنا، مہا وکاس اگھاڑی کے اتحادیوں نے اتوار کو چیف منسٹر ایکناتھ شندے پر چیف جسٹس یو یو للت کے ساتھ اسٹیج شیئر کرنے پر سوالات اٹھائے۔
