اورنگ آباد، 8 مئی (سیاست ڈاٹ کام) مہاراشٹر کے اورنگ آباد میں جمعہ کے عالمی وبا کورونا وائرس کے ایک دن میں سب سے زیادہ 90 پازیٹیو معاملے سامنے آئے ہیں، جن میں 72 جوان شامل ہیں۔ افسران نے بتایا کہ ان نئے معاملوں کے ساتھ ضلع میں کورونا کے کُل 468 مریض سامنے آئے ہیں جن میں سے 12 مریضوں کی موت ہوگئی جبکہ 26 ٹھیک ہوگئے ہیں۔ ضلع سول سرجن ڈاکٹر سندر کلکرنی نے بتایا کہ 18 شہریوں میں جے بھیم اور بیگم پورہ سے چار چار، بیجی پورہ سے تین اور بھیم نگر، شاہ بازار، گرکھیڑا ، کٹکٹ گیٹ، سکندر پار، مکد واڑی اور خلت آباد سے ایک ایک کورونا پازیٹیو کی تصدیق ہوئی ہے ۔ اس دوران کورونا سے متاثر جوان اورنگ آباد کے بھارت بٹالیون فورس سے ہیں۔ یہ 72 متاثر جوان ناسک کے مالے گاؤں کے ایک ہاٹ اسپاٹ پر تعینات 110 کارکنوں کے بیچ میں شامل تھے ۔