ریاض : سعودی پبلک ٹرانسپورٹ اتھارٹی نے مملکت کے چار ہوائی اڈوں پر 80 سے زائد خواتین ٹیکسی ڈرائیورز کوروٹ پرمٹ جاری کرنے کا عندیہ دیا ہے۔وزارت افرادی قوت و سماجی بہبود آبادی کے تعاون سے ٹرانسپورٹ اتھارٹی 80 سے زائد سعودی خواتین کو ایئرپورٹ ٹیکسی سرویس کا حصہ بنانے کیلئے تربیت فراہم کی جائے گی۔ مذکورہ پروگرام ٹرانسپورٹ کے شعبے میں خواتین کو بااختیاربنانے کے اہداف میں سے ایک ہے۔ایئرپورٹ ٹیکسی سروس دینے والی بڑی کمپنیوں کے ساتھ تین معاہدوں پردستخط کر دیے گئے ہیں۔یہ کمپنیاں ریاض، جدہ، دمام اورمدینہ منورہ کے ہوائی اڈوں پر خواتین ڈرائیورز کو تعینات کریں گی۔ دوسرے مرحلے میں مملکت کے تمام ہوائی اڈوں پر خواتین ٹیکسی ڈرائیورز کو تعینات کیا جائے گا۔
