علامہ اقبال ایجوکیشنل سوسائٹی کے جلسے سے ڈاکٹر رضوان قریشی خطیب مکہ مسجد کا خطاب
حیدرآباد 19 فبروری ۔ ( راست ) حافظ و قاری خطیب مکہ مسجد ڈاکٹر رضوان قریشی نے کہا کہ حضو ر ﷺ نے فرمایا کہ علم کا حاصل کرنا ہر مسلمان مرد اور عورت پر فرض ہے۔ لیکن کچھ خواتین میں یہ غلط فہمی پائی جاتی ہے کہ علم کا حاصل کرنا صرف مردوں پر فرض ہے۔ بلکہ بہت سی خواتین ہر طرح کا انحصار چاہے وہ معاشی ہو یا علمی ہو مردوں پر کرتی ہیں، حالانکہ جو فرائض و واجبات مرد پر عائد ہوتے ہیں وہ خواتین پر بھی عائد ہوتے ہیں صرف فرق جدا ہے جیسے مردوں کو فرض نماز مسجد میں ادا کرنا ہوتا ہے ۔وہ بروز اتوار 16 فروری 2025 کو علامہ اقبال ایجوکیشن اینڈ سوشیل آرگنائزیشن کے زیر اہتمام جی ایم کے پرائم فنکشن ہال قلعہ گولکنڈہ میں مخاطب تھے ۔ مولانا نے اپنے سلسلہ خطاب کو جاری رکھتے ہوئے مزید کہا کہ ماں باپ کی ذمہ داری ہے کہ اپنے بچوں پر کڑی نظر رکھیں۔ بچوں کو نمازکی ذمہ داری، روزوں کی زمہ داری ماں باپ پر عائد ہوتی ہے۔ اولاد کی اچھی تربیت پر ہی اچھی توقعات رکھی جاسکتی ہیں۔ اسسٹنٹ پروفیسر ڈاکٹر بی آر امبیڈکر اوپن یونیورسٹی ڈاکٹر محمد خواجہ مخدوم محی الدین نے کہاکہ لوگوں میں یہ غلط فہمی پائی جاتی ہے کہ انگلش میڈیم سے پڑھائی کرنے پر ہی روزگار حاصل ہوتا ہے۔بلکہ اردو میڈیم سے بھی روزگار حاصل ہوتا ہے میں اردو میڈیم سے ہوں اور میرے خاندان کے تین لڑکیاں تلگو میڈیم سے سرکاری نوکر ی حاصل کیے ہیں ۔ ہمارے معاشی حالات چاہے کچھ بھی ہو تعلیم جاری رکھیں کیونکہ حکومت کے کئی اداروں میں آپ کم سے کم خرچ میں تعلیم حاصل کرسکتے ہیں ۔ انہوں نے کہا کے امبیڈکر اوپن یونیورسٹی سے صرف دس ہزارمیں ڈگری مکمل کرنے کی سہولت موجود ہے۔ ڈاکٹر صالحہ فردوس پرنسپل میسکونے کہا کہ ماں خود اپنی اہمیت جانے ، ماں کی اہمیت اس بات سے ظاہر ہوتی ہیکہ نبی ﷺسے ایک صحابی نے پوچھا کہ ماں باپ میں کس کا درجہ اعلی ہے تو آپ ﷺ نے فرمایا ماں کا ۔ اس طرح تیں مرتبہ بھی ماں کاذکر کیا اور چوتھی بار کہا کہ باپ۔ یہاں پر ماںکی ذمہ داری ہیکہ وہ اپنا وقت ذکر و اذکار اور دینی ماحول میںگذاریںساڑھے تین سال سے 18 سال کی عمر میں اپنی اولاد کے ساتھ دوست بن کر رہیں اور اس کی ہر حرکت پر نظر رکھیں ۔ ڈاکٹر سید خواجہ صفی الدین اسوسیٹ پروفیسر مانو نے نوجوانوں پر زور دیا کہ نشے کی عادت سے دور رہیں ۔ محترمہ امّہ عشرت فاطمہ پرنسپل ڈائمنڈ مشن ہائی اسکو ل نے خواتین کو کیسے خود مختار بنانا چاہئے پر خطاب کیا ۔ ابتداء میں جناب محمد نصیر الدین صدر علامہ اقبال سو سائٹی نے تنظیم کا تعارف پیش کیا ۔ ڈاکٹر محمد طاہر اے بی ایس نے بھی خطاب کیا۔ محمد ابوبکر صدیق کنوینرنے کاروائی چلائی۔قاری ابراہیم کی قرأت سے جلسہ کاآغاز ہوا ، مصطفی صابری نے نعت شریف پیش کیا۔عبد الواحد صابری نے مہمانوں کا خیر مقدم کیا فرحین بیگم نے انتظامات کئے ،آخر میں محترمہ خدیجہ ناظمہ صدر معلمہ نے مہمانوں کا شکریہ ادا کیا۔
