نئی دہلی ۔ 12 ستمبر (سیاست ڈاٹ کام) ہندوستانی بیاڈمنٹن کھلاڑی پی وی سندھو نے کہا کہ ورلڈ چمپئن شپ جیتنے کے بعد ماضی کے سارے زخم سوائے ریو اولمپکس کے مندمل ہوچکے ہیں۔ لہٰذا وہ آئندہ سال ٹوکیو اولمپکس میں میڈل یکے، اپنی الماری میں جگہ بنائے رکھی ہیں۔ اولمپکس سلور میڈلسٹ سندھو نے تاریخی ورلڈ کپ چمپئن شپ باسل میں جاپان کی نوزومی اوکوپارا کو 21-7,21-7 سے شکست دے کر سونے کا تمغہ حاصل کرلیا تھا۔ اس سے قبل اسٹار کھلاڑی کو ریو اولمپکس، 2017-18ء ورلڈ چمپئن شپ، 2017ء کی دبئی سوپر سیریز، 2018ء کامن ویلتھ گیمس اور جکارتہ ایشین گیمس میں مسلسل ناکامیوں کا سامنا کرنا پڑا تھا۔ سندھو کو پدمابھوشن ایوارڈ کیلئے بھی نامزد کیا گیا۔ انہوں نے ورلڈکپ اور ریو اولمپکس کے تجربات کو مختلف کہا ہے۔ شائقین نے میرے فائنل میاچ دباؤ کے بارے میں سوالات کئے تھے جس کا جواب انہوں نے اپنے شٹل سے دیا ہے۔
