نئی دہلی۔ انڈین پریمیئر لیگ (آئی پی ایل) کے نئے میڈیا حقوق کے لیے ای نیلامی سے قبل بورڈ آف کنٹرول فار کرکٹ ان انڈیا (بی سی سی آئی) نے دولت سے بھری لیگ کے میچوں کی تعداد بڑھانے کا اشارہ دیا ہے۔ 2023-27 کے اگلے سائیکل میں فی سیزن لیگ میں مقابلوں کی تعداد میں اضافہ کا امکان ہے ۔اشارے کے مطابق تعداد ہر دو ایڈیشن کے بعد بتدریج اضافے کے ساتھ 410 تک پہنچ جائے گی۔ یہ معلوم ہوا ہے کہ ہندوستانی کرکٹ بورڈ سائیکل کے پہلے دو سالوں میں 74 مقابلوں کا شیڈول بنائے گا – 2023 اور 2024 میں اس پر عمل ہوگا ۔ اس کے بعد اگلے دو سیزن میں 84 میچ ہوں گے۔سائیکل کے پانچویں اور آخری سیزن میں یہ 94 مقابلے ہو سکتا ہے حالانکہ بی سی سی آئی نے 84 گیمز کا متبادل بھی کھلا رکھا ہے۔ تاہم خیال کیا جاتا ہے کہ میڈیا کے حقوق کے لیے بولی لگانے والوں کو 410 مقابلوں کے حساب سے تیار رہنے کا مشورہ دیا گیا ہے، نہ کہ 370 مقابلوں کا لیگ ۔ کریک بز کی ایک رپورٹ میں کہا گیا ہے اگر یہ منصوبہ لاگو ہوتا ہے تو یہ دیکھنا دلچسپ ہوگا کہ بی سی سی آئی/آئی پی ایل ہر ٹیم کے مقابلوں کی تعداد کو کس طرح تقسیم کرے گا تاکہ مطلوبہ نمبر 84 اور 94 نمبرزکو بالکل جوڑ دیا جائے۔ اس بات کا امکان ہے کہ 94 گیمز کے معاملے میں ہر ٹیم ہر بار، ہوم اور اوے ۔ باقاعدہ فارمیٹ میں حصہ لے گی اور اس کے بعد چار پلے آف کھیلے گی۔ابھی تک لیگ کو پانچ ٹیموں کے دو ورچوئل گروپس میں تقسیم کیا گیا ہے جس میں ہر فریق اپنے گروپ میں چار دیگر کے خلاف دو بار، ایک بار دوسرے گروپ کے چار کے خلاف اور دو بار باقی ایک ٹیم کے خلاف کھیلے گا۔ اگر پلے آف مقابلوں کو شامل کیا جائے تو تعداد 74 تک پہنچ جاتی ہے۔ 84 کی صورت میں فارمولہ یہ ہوگا کہ ہر فریق کے خلاف اپنے اپنے گروپ میں دو بار، دوسرے گروپ کے دوکے خلاف اور ایک بار باقی تین کے خلاف کھیلا جا سکتا ہے۔رپورٹ میں مزید کہا گیا ہے کہ اسپیشل نان ایکسکلوسیو پیکج کے لیے گیمز کی تعداد میں کوئی ابہام نہیں ہے جب آئندہ سیزن میں گیمزکی تعداد بڑھے گی۔اس سے قبل یہ اطلاع دی گئی تھی کہ خصوصی پیکج میں 74 گیمز کے سیزن میں 18 میچوں کے حقوق ہوں گے اور اب یہ معلوم ہوا ہے کہ 84 گیمز کے سیزن کے لیے 20 گیمز اور 94 گیمز کے ایڈیشن کے لیے 22 گیمز ہوں گے۔ مجموعی طور پر پیکیج سی میں پانچ سالوں میں کھیلوں کی تعداد 96 ہو جائے گی، جس میں ہر سیزن کا افتتاحی میچ، چار پلے آف اور ڈبل ہیڈر کے نائٹ میچ شامل ہیں۔یادرہے کہ گزشتہ سال تک آئی پی ایل صرف 8 ٹیموں کا ٹورنمنٹ ہوتا تھا لیکن 2022 سیزن میں ٹیموں کی تعداد سے 8 سے بڑھاکر 10کردی گئی ہے اور اب مقابلوں میں اضافہ کا اشارہ دیا جارہا ہے ۔
