برلن: چین سے تعلق رکھنے والے بڑے سرمایہ کاروں نے سعودی عرب کی سرکاریآئل کمپنی آرامکو میں سرمایہ کاری کے ذریعے سے شراکت کے حصول میں دلچسپی کا اظہار کیا ہے۔ذرائع کے حوالے سے بتایا ہے کہآرامکو کی جانب سے کمپنی کے حصص فروخت کی پیشکش کے بعد چینی سرمایہ کاروں نے دلچسپی کا اظہار کرتے ہوئے سعودی حکام سے رابطہ کیا ہے۔اس سے قبل سعودی ولی عہد شہزادہ محمد بن سلمان نے ایک انٹرویو میں بتایا تھا کہآرامکو دنیا کی ایک بڑی توانائی کمپنی کے ساتھ 1 فیصد حصص کی فروخت کے لئے مذاکرات کر رہی ہے اورآئندہ ایک یا دو سال میں مزید حصص بھی بین الاقوامی سرمایہ کاروں کو فروخت کے لئے پیش کئے جاسکتے ہیں۔آرامکو کی موجودہ مارکیٹ ویلیو کے مطابق اس کے ایک فیصد حصص کی مالیت 19 ارب ڈالر ہے۔ذرائع کا کہنا ہے کہآرامکو میں سرمایہ کاری میں دلچسپی دکھانے والوں میں چین کا خودمختار فنڈ چائنہ انویسٹمنٹ کارپوریشن بھی شامل ہے۔اس کے علاوہ ایک ذرائع نے بتایا ہے کہ چین کی قومیآئل کمپنیاں بھیآرامکو میں سرمایہ کاری کی خواہش رکھتی ہیں۔قبل ازیں شہزادہ محمد نے ایک انٹرویو میں بتایا تھا کہ ریاض چین، ہندوستان اور روس کے ساتھ اپنے تعلقات کو مضبوط بنانے کے لئے کوشاں ہے۔ امریکا کے حوالے سے بات کرتے ہوئے ان کا کہنا تھا کہ بائیڈن انتظامیہ سے کچھ اختلافات کے باوجود امریکا سعودی عرب کا تزویراتی پارٹنر ہے۔