مہمان ٹیم دوسری باری میں 240رنوں پر ڈھیر۔ٹراویس ہیڈ میان آف دی میاچ ۔سیریز پر 2-0 سے قبضہ
ملبورن۔29 دسمبر ( سیاست ڈاٹ کام) آسٹریلیا نے باکسنگ ڈے ٹسٹ میں میاچ کے چوتھے دن مہمان نیوزی لینڈ کو 247رنوں سے ہراکر شاندار فتح حاصل کرکے سیریز پر 2-0 سے قبضہ کرلیا۔نیوزی لینڈ کی ٹیم دوسری باری میں 71اوورس میں 240رنز بناکر اوٹ ہوگئی ۔ بلنڈیل کی سنچری رائیگاں گئی جنہوں نے ٹیم کو شکست سے بچانے کی بھر پور کوشش کی ۔ٹراویس ہیڈ کو پہلی اننگز میں شاندار سنچری پر میان آف دی میاچ کے اعزاز سے نوازا گیا۔فاسٹ بولر پیٹ کمنز کے 28 رن پر 5 وکٹ کی شاندار بولنگ کی بدولت آسٹریلیا نے نیوزی لینڈ کو باکسنگ ڈے ٹسٹ کے تیسرے دن کل 148 رنز پر ڈھیر کر دیا تھا۔ میزبان ٹیم نے اسی کے ساتھ اسٹمپس تک دوسری اننگز میں چھ وکٹ باقی رہتے 456 رنز کی برتری حاصل کر لی تھی۔آسٹریلیا نے دوسری اننگز میں دن کے اختتام تک 45 اوور میں چار وکٹوں کے نقصان پر 137 رنز بنا لئے تھے۔ پہلی اننگز کی بنیاد پر اب اس کی مجموعی برتری 456 رنز ہو گئی ہے۔ بلے باز میتھیو ویڈ 15 رنز اور ٹریوس ہیڈ 12 رن بنا کر ناٹ آؤٹ کریز پر تھے۔آسٹریلیا نے دوسری باری پانچ وکٹ پر 168رنوں کے اسکور پر ڈیکلیر کردی ۔نیوزی لینڈ کوجیت کیلئے488رنوں کا نشانہ دیا گیا لیکن اس کی ساری ٹیم 240رنوں کے مجموعی اسکور پر آؤٹ ہوگئی ۔ نیوزی لینڈ نے کل صبح اپنی پہلی اننگز کا آغاز 44 رن پر دو وکٹ کے اسکور سے آگے کیا۔ اس وقت بلے باز راس ٹیلر 2 رنز اور ٹام لاتھم 9 رنز کے ساتھ کریز پر تھے۔ ٹیلر اپنے اسکور میں اضافہ نہیں کر سکے اور کمنز نے انہیں آتے ہی جو برنس کے ہاتھوں کیچ کراکر دن کا پہلا اور نیوزی لینڈ کا تیسرا وکٹ نکالا۔اس کے بعد کیوی ٹیم نے مسلسل وکٹ گنوائے اور نکولس کھاتہ کھولے بغیر کمنز کی ہی گیند پر بولڈ ہو گئے۔ بی جے واٹلنگ سات رنز بنا کر پانچویں بلے باز کے طور پر جیمز پیٹنسن کا شکار بنے اور صرف 58 رنز پر آدھی مہمان ٹیم پویلین لوٹ گئی۔ آٹھویں بلے باز کے طور پر آؤٹ ہوئے سیٹنر کا آؤٹ ہونا کافی تنازعہ میں رہا جب گیند ان کے گلوز سے چھو کر نکلی جسے آسٹریلوی فیلڈر نے لپکا لیکن میدانی امپائر نے اسے ناٹ آؤٹ دیا جسے تھرڈ امپائر علیم ڈار نے برقرار رکھا اور اسے لے کر کافی ہنگامہ ہوا۔کولن ڈی گرینڈ (11 رن)، ٹام لاتھم (50)، مشیل سیٹنر (3)، ٹم ساؤتھی (10) اور ٹرینٹ بولٹ (8) رنز بنا کر آؤٹ ہوئے۔ ٹیم کے لئے واحد نصف سنچری اوپنر لاتھم نے بنائی اور وکٹ سنبھالنے کے چکر میں وہ اپنے 16 ویں ٹیسٹ نصف سنچری تک 144 گیندوں میں پہنچے جس میں انہوں نے چار چوکے لگائے۔آسٹریلیا کی جانب سے کمنز نے 17 اوور میں 28 رن دے کر پانچ وکٹ نکالے جبکہ مشیل اسٹارک کو 30 رنز اور جیمز پیٹنسن نے 34 رن دے کر 3 وکٹ حاصل کئے۔
مختصر اسکور
آسٹریلیا پہلی اننگز – 467 رنز اور دوسری اننگز 5 وکٹ پر168 رنزڈیکلیر۔نیوزی لینڈ پہلی اننگز – 148 رنز اور دوسری اننگز240رنز۔ 3 جنوری سے تیسرا اور آخری ٹسٹ میاچ کا سڈنی میں آغاز ہوگا۔