روم : اٹلی میں تمام ملازمین کے لیے کام کی جگہ پر پہنچنے پر اپنا کورونا ویکسین کا سرٹیفیکیٹ یا کووڈ کا منفی ٹسٹ رزلٹ دکھانا لازمی کر دیا جائے گا۔ اطالوی وزیر صحت رابرٹو سپرینزا کے مطابق اٹلی میں کام کرنے کی تمام جگہوں پر وسط اکتوبر سے ’گرین پاسپورٹ‘ لازمی قرار دے دیا جائے گا۔ وہاں گرین پاسپورٹ کا مطلب ہے کہ اس کا حامل کورونا کی ویکسینیشن کرا چکا ہے یا اس کے پاس کووڈ کا منفی ٹسٹ رزلٹ ہے یا پھر اس کے پاس کووڈ سے صحت یابی کا سرٹیفکیٹ ہے۔ اگر کسی شخص کے پاس مذکورہ سرٹیفیکیٹ نہیں ہو گا تو اسے کام کی جگہ میں داخل ہونے نہیں دیا جائے گا اور اس کا نتیجہ ملازمت سے معطلی بھی ہو سکتا ہے۔
