روم۔22فبروری ۔(سیاست ڈاٹ کام)اٹلی میں کورونا وائرس سے پہلی موت ہوئی ہے ۔ مقامی میڈیا نے یہ اطلاع دی ہے۔ اٹلی کے کوئریرے ڈیلا سیر اخبار نے اپنی رپورٹ میں بتایا کہ ایک متاثرہ 78 سالہ شخص کو علاج کے لئے ونیٹو علاقے می پڈووا شہر کے نزدیک ایک ہاسپٹل میں داخل کرایا گیا تھا۔شمالی اٹلی کے لومبرڈی 15 اور ونیٹو میں کورونا وائرس کے دو معاملے درج کئے گئے تھے ۔ وہیں لومبرڈی میں 10 لوگوں کو بہت ضروری کام ہو تو ہی اپنے گھروں سے نکلے کا مشورہ دیا گیا ہے ۔واضح رہے کہ کورونا وائرس کا پہلا معاملہ گزشتہ دسمبر کے آخر میں چین کے ہوبائی کی راجدھانی ووہان میں سامنے آیا تھا۔ اس وقت یہ ہندوستان سمیت دنیا کے 25 سے زائد ممالک میں پھیل چکا ہے ۔ اس مہلک وائرس کے سبب اب تک 2200 سے زائد لوگوں کی موت ہوچکی ہے اور دنیا بھر میں 77 ہزار سے زیادہ لوگ اس سے متاثر ہیں۔
