نئی دہلی: اترپردیش کے گریٹر نوئیڈا میں ہمساگر اپارٹمنٹ کی ریسیڈینشیل ویلفیئر ایسوسی ایشن نے اپارٹمنٹ میں رہنے والوں کے لنگی اور نائٹی پہننے پر پابندی لگائی ہے۔ اسوسی ایشن کے ذمہ داروں نے رہائشیوں کو ہدایت دی ہے کہ وہ اپارٹمنٹ کے مشترکہ علاقہ اور پارک میں اپنے لباس کا خیال رکھیں۔ یہ سرکلر ہمساگر اپارٹمنٹ اے او اے نے 10 جون کو جاری کیا تھا اور یہ جلد ہی سوشل میڈیا پر وائرل ہو گیا۔ نوٹس میں رہائشیوں کو ہدایت گئی ہے کہ وہ اپنے فلیٹوں سے “لنگیاں اور نائٹیز’’ پہن کر باہر نہ نکلیں۔ اس کے بعد سے سوشل میڈیا پر اس پر بہت تبصرے ہورہے ہیں۔ بعض افراد نے اس نوٹس کو لوگوں کو کپڑے پہننے کے انتخاب پر روک لگانے کی بات کہی ہے۔ تو بعض نے اسے اچھا اقدام قرار دیا ہے ۔ رہائشیوں کو جاری ہدایت میں لکھا ہے کہ ’’آپ سب سے یہ توقع کی جاتی ہے کہ آپ جب بھی معاشرے میں گھومتے ہیں تو اپنے طرز عمل اور لباس پر خصوصی توجہ دیں اس طرح آپ کسی کو اپنے رویے پر اعتراض کرنے کا موقع نہ دیں۔ اس لیے ہر ایک سے گزارش ہے کہ وہ لنگی اور نائٹی پہن کر نہ گھومے جو گھریلو لباس ہیں۔اسوسی ایشن کے صدر کالرا نے کہا کہ یہ معاشرے کا اچھا فیصلہ ہے اور سب کو اس کا احترام کرنا چاہیے، مخالفت کی کوئی بات نہیں ہے۔
اگر خواتین نائٹی پہنتی ہیں اور گھومتی ہیں، تو یہ مردوں کے لیے غیر آرام دہ ہوگا اور اگر مرد لنگی پہنتے ہیں جو خواتین کے لیے بھی تکلیف دہ ہوں گے، تو ہمیں ایک دوسرے کا احترام کرنے کی ضرورت ہے