وزیراعظم کے پاس کرپشن کو بے نقاب کرنے کے سوا چارہ نہیں۔ بی جے پی کے بدعنوان لوگوں میں ہلچل : کانگریس
نئی دہلی: کانگریس نے جمعرات کو وزیر اعظم نریندر مودی کو اڈانی امبانی کے بارے میں ان کے کل کے بیان پر یہ کہتے ہوئے گھیرنے کی کوشش کی کہ یہ مودی کے پسندیدہ لوگوں کی بدعنوانی کا پردہ فاش ہے ، جو وزیر اعظم نے تیسرے مرحلے کے بعد کیا ۔ انتخابات میں اپنی یقینی شکست دیکھ کر انہوں نے خود ہی یہ انکشاف کر ڈالا۔کانگریس کی ترجمان سپریہ سرینیت نے جمعرات کو یہاں پارٹی ہیڈکوارٹر میں ایک پریس کانفرنس میں کہا کہ مودی نے 10 سال میں پہلی بار اڈانی۔امبانی کا نام لیا ہے اور کہا ہے کہ وہ بوریوں میں پیسے دے رہے ہیں اور گاڑیو ں میںلے جا رہے ہیں، وہاں ٹیمپو بھی بھیجاجا رہا ہے ۔ انہوں نے اسے وزیراعظم کی بے بسی قرار دیتے ہوئے کہا کہ ان کے پاس کرپشن کو بے نقاب کرنے کے علاوہ کوئی آپشن نہیں بچا ہے ۔ اس انکشاف نے بی جے پی کے بدعنوان لوگوں میں ہلچل مچا دی ہے ۔سرینیت نے اسے وزیر اعظم کی بے بسی قرار دیتے ہوئے کہا کہ ملک کا وزیر اعظم اس سے پہلے کبھی اتنا کمزور، اتنا بے بس، اتنا لاچار نہیں تھا۔ دس سال تک خاموش رہنے کے بعد آخر کار انہوں نے اڈانی، امبانی کا نام لے ہی لیا اور خود اپنی بدعنوانی کو بے نقاب کیا ۔ انہوں نے یہ انکشاف کانگریس کے رہنما راہل گاندھی کی وجہ سے کیا ہے کیونکہ یہ مسٹر گاندھی ہی ہیں جو اڈانی اور امبانی کی کرپشن کو بے نقاب کرنے کی مسلسل کوشش کر رہے ہیں۔سرینیٹ نے کہا “اب ووٹنگ کے تیسرے مرحلے کے بعد مسٹر مودی نے اڈانی اور امبانی کا نام لیا ہے اور کہا ہے کہ وہ بوریوں میں پیسے لے جا رہے ہیں اور انہیں ٹیمپوز میں ادھر ادھر لے جا رہے ہیں۔ اب یہ واضح ہے کہ بی جے پی ہار رہی ہے ۔ “کانگریس کی لیڈر نے طنز کرتے ہوئے کہا کہ بدعنوانی کا یہ انکشاف خود وزیر اعظم نریندر مودی نے کیا ہے ۔ وزیر اعظم اسٹیج سے کہہ رہے ہیں کہ دو لوگ کالا دھن یہاں سے وہاں منتقل کر رہے ہیں لیکن ملک کی جانچ ایجنسی اس پر بھی توجہ نہیں دے رہی ہے ۔ مودی کی ایجنسیاں اور میڈیا بھی ہار دیکھ رہے ہیں، اسی لیے کوئی کچھ نہیں کہہ رہا۔ کانگریس کی ترجمان نے کہا “وزیر اعظم مودی کی طرف سے بدعنوانی پر کئے گئے انکشافات نے پوری بھارتیہ جنتا پارٹی (بی جے پی ) اور حکومت میں ہلچل مچا دی ہے ، لوگ خوفزدہ ہیں کیونکہ وہ جانتے ہیں کہ شکست دیکھ کر مودی جی جب اپنے جگر کے ٹکڑے اڈانی امبانی پر قربان کر سکتے ہیں، تو پھر ہم کیا چیز ہیں؟” بات یہ ہے کہ وزیر اعظم کے ان انکشافات سے امت شاہ سب سے زیادہ خوفزدہ ہیں کہ حکومت بدلنے والی ہے اور پھر ان کا حساب لیا جائے گا۔ انہوں نے کہا کہ اس کے علاوہ جو افسران مودی جی کی ہدایت پر کام کر رہے تھے وہ بھی خوفزدہ ہیں۔ شرینیت نے کہا کہ بی جے پی کی شکست کو دیکھتے ہوئے نہ صرف اس کے لیڈر بلکہ وہ افسران بھی خوفزدہ ہیں جو وزیر اعظم کے پسندیدہ کے طور پر ڈیپوٹیشن پر دہلی آئے تھے ۔