نئی دہلی :ہندوستانی ارب پتی گوتم اڈانی 137.4 بلین ڈالر (تقریباً 11 لاکھ کروڑ روپے) کے ساتھ دنیا کے تیسرے امیر ترین بزنس مین بن گئے ہیں۔ انہوں نے فرانس کے برنارڈ آرناولٹ کو پیچھے چھوڑ کر یہ مقام حاصل کیا ہے۔ یہ پہلا موقع ہے جب کوئی ایشیائی بلومبرگ بلینیئرز انڈیکس میں ٹاپ تھری میںداخل ہوا ہے۔اب وہ رینکنگ میں صرف مسک اور بیزوس سے پیچھے ہیں۔ ٹیسلا کے بانی ایلون مسک 251 بلین ڈالر کے ساتھ اس فہرست میں سرفہرست ہیں، بیزوس 153 بلین ڈالر کے ساتھ دوسرے نمبر پر ہیں۔ اڈانی ٹاپ 10 کی فہرست میں واحد ہندوستانی ہیں۔ ریلائنس کے چیئرمین مکیش امبانی 91.9 بلین ڈالر (7.3 لاکھ کروڑ روپے) کے ساتھ 11 ویں نمبر پر ہیں۔پچھلے مہینے، اڈانی چوتھے امیر ترین بزنس مین بن گئے، جس نے پچھلے مہینے بل گیٹس کو پیچھے چھوڑ دیا۔
