نئی دہلی : آئی پی ایل2025 کا آغاز 22 مارچ کو ہوگا۔ دریں اثناء دہلی کیپٹلس نے بھی اپنے نئے کپتان کے نام کا اعلان کیا ہے۔ دہلی نے 18ویں سیزن میں ٹیم کی کمان اکشر پٹیل کو سونپی ہے۔ اس سے پہلے ریشبھ پنت دہلی ٹیم کی کپتانی کر رہے تھے لیکن اس سیزن میں وہ لکھنؤ سوپر جائنٹس کا حصہ ہیں۔ آئی پی ایل2025 سے قبل چمپئنز ٹرافی میں شاندار کارکردگی کا مظاہرہ کرنے والے آل راؤنڈر اکشرکو بڑی خوشخبری ملی ہے۔ اس کے ساتھ ہی دہلی کے شائقین کا انتظار بھی ختم ہوگیا ہے، کیونکہ یہ واحد ٹیم تھی جس کے کپتان کا اعلان نہیں کیا گیا تھا۔ آئی پی ایل کھیلنے والی 10 میں سے 9 ٹیموں نے پہلے ہی اپنے کپتانوں کے ناموں کا اعلان کر دیا تھا۔ اکشر پٹیل نے اب تک 150 آئی پی ایل میچ کھیلے ہیں اور تقریباً 131 کے اسٹرائیک ریٹ سے 1653 رنز بنائے ہیں۔ اس کے علاوہ انہوں نے 7.28 کے اکانومی ریٹ سے 123 وکٹیں حاصل کیں۔ تاہم انہیں کپتانی کا تجربہ نہیں ہے۔ وہ اس معاملے میں ابھی تک کچا ہے لیکن اپنے آل راؤنڈکھیل کے ساتھ، وہ دہلی کیپٹلس کی ریڑھ کی ہڈی بنے ہوئے ہیں۔ اس کے علاوہ 31 سالہ اکشر7 سیزن سے دہلی سے جڑے ہوئے ہیں۔ اس وجہ سے انہیں ٹیم کا کپتان بنایا گیا ہے۔ تاہم اکشر پٹیل سے پہلے اس سیزن میں ٹیم میں شامل ہونے والے کے ایل راہول کپتانی کی دوڑ میں سب سے آگے تھے۔ ٹیم انڈیا کے علاوہ راہول کے پاس آئی پی ایل میں پنجاب کنگز اور لکھنؤ سوپر جائنٹس کی کپتانی کا تجربہ ہے۔ اس سے اکشر کے لیے راستہ صاف ہوگیا۔ دہلی کی ٹیم نے انہیں اس سیزن کے لیے 16.50 کروڑ روپے میں برقرار رکھا تھا۔ ٹیم ان کھلاڑیوں پر مشتمل ہیں: اکشر پٹیل (کپتان) ، کلدیپ یادیو، ٹرسٹن اسٹبس، ابھیشیک پورل، مچل اسٹارک، کے ایل راہول، جیک فریزر میک گرک، ٹی نٹراجن، کرون نائر، سمیر رضوی، آشوتوش شرما، موہت شرما، فاف ڈو پلیسی، مکیش کمار، درشن نلکنڈے، وپاراج، منتگا، وپارج، منتگا، وِپراج، تیجاپورکمار، اجے منڈل اورڈونووین فریرا۔
