ممبئی۔ 4مارچ (سیاست ڈاٹ کام)مشہور اداکار اکشے کمار اور سلمان خان کی فلمیں عید کے موقع پر باکس آفس پر ایک ساتھ ریلیزہونے والی ہیں۔ اکشے کمار کی فلم ’’لکشمی بم ‘‘اور سلمان خان کی ’’رادھے‘‘ اس سال عید کے موقع پر ریلیز ہورہی ہیں۔جہاں اکشے کی فلم کی شوٹنگ پوری ہوچکی ہے وہیں،سلمان خان کی فلم رادھے کی شوٹنگ اب بھی جاری ہے ۔ اکشے نے سلمان کیساتھ اپنی فلم کے ریلیز ہونے پر کہا کہ ایسا پہلی بار نہیں ہوا ہے ،جب ان کی فلم کسی دوسری فلم کیساتھ ایک ہی تاریخ پر ریلیز ہورہی ہے ۔انہوں نے کہا،‘‘میں جانتاہوں لیکن یہ میرے کریئر کی پہلی فلم نہیں ہے ،جو کسی دوسری فلم کے ساتھ ریلیزہورہی ہے اور میں اس بات کو پوری طرح جانتا ہوں کہ یہ آخری بھی نہیں ہوگی۔’’اکشے نے کہا،‘‘ہماری فلم انڈسٹری میں ہر سال کئی فلمیں ریلیز ہوتی ہیں جن کیلئے جمعہ کم ہوتے ہیں۔ایسے میں فلمیں کسی نہ کسی کیساتھ ایک ہی دن پر ریلیز ہوں گی کیونکہ یہ دو بڑی فلمیں ہیں،اس لئے ان پر بات تو زیادہ ہوگی ہی کیونکہ اس میں زیادہ پیسہ لگا ہوا ہے ،یہ بالکل فطری ہے‘‘۔
