ممبئی ، 24 اگست (ایجنسیز) بالی ووڈ کے معروف اداکار اکشے کمار اور سیف علی خان 18 برس بعد ایک مرتبہ پھر بڑی اسکرین پر اکٹھے نظر آئیں گے۔ دونوں ستاروں نے ہدایت کار پریہ درشن کی نئی فلم ’حیوان‘ کی شوٹنگ کا آغاز کر دیا ہے جس کی پروڈکشن ریاست کیرالا میں شروع ہوئی۔ اکشے کمار نے سٹ سے ایک ویڈیو شیئر کی جس میں وہ ہدایت کار اور سیف علی خان کے ساتھ خوشگوار انداز میں نظر آئے۔ ویڈیو میں وہ ’بزرگ‘ لکھے ٹی شرٹ اور کلیپر بورڈ کے ساتھ دکھائی دیئے جس پر پریہ درشن نے مزاح کرتے ہوئے کہا کہ اس پر ’حیوان‘ لکھوانا چاہئے تھا۔ اس پر اکشے کمار نے ہنستے ہوئے کہا کہ سیف علی خان اس فلم کے ’شیطان‘ ہوں گے، کبھی وہ شیطان جسے سب جانتے ہیں اور کبھی وہ جسے کوئی نہیں جانتا۔ اکشے کمار نے کہا کہ ہم سب کے اندر کچھ نہ کچھ شیطان ہوتا ہے، کوئی باہر سے بزرگ تو کوئی اندر سے حیوان۔ انہوں نے یہ بھی کہا کہ تقریباً 18 سال بعد سیف علی خان کے ساتھ دوبارہ کام کرنا ان کیلئے خوشی کی بات ہے۔ 2008 کی فلم ’ٹشن‘ میں دونوں اداکاروں نے ایک ساتھ کام کیا تھا۔ حیوان دراصل پریہ درشن کی 2016 کی مشہور ملیالم تھرلر اوپم کا ہندی ریمیک ہے جس میں کاجول، بابی دیول اور اینار ہارلڈسن بھی شامل ہیں۔ یہ فلم 2026 میں ریلیز کی جائے گی۔
