اترپردیش اسمبلی انتخابات کے حوالے سے سیاسی جماعتوں نے اپنی طاقت ڈالنا شروع کردی ہے۔ سماج وادی پارٹی کے قومی صدر اور سابق وزیر اعلیٰ اکھلیش یادو نے بجلی کے مسئلہ پر یوگی حکومت کو گھیرا… اس کے ساتھ دہلی کے وزیر اعلیٰ اروند کیجریوال کی طرز پر انہوں نے عوام کو مفت بجلی دینے کا بھی اشارہ دیا۔ اکھلیش یادو نے کہا کہ بی جے پی سب اسٹیشن نہیں بنا سکی ، اس لیے بجلی مہنگی کر دی۔ اگر سماجوادی حکومت بنتی ہے تو بجلی سستی ہو جائے گی۔ شاید بجلی بھی مفت بنا دیں۔ اس کا اعلان ہوسکتا ہے مینوفیسٹو میں ہو ،قنوج میں ایک پروگرام کے دوران اکھلیش یادو نے کہا کہ ایس پی آئندہ انتخابات میں تمام علاقائی پارٹیوں کے ساتھ اتحاد بنائے گی۔ تمام جماعتوں کے لیے راستے کھول دیے گئے ہیں۔ پوری طاقت اور حکمت عملی کے ساتھ بی جے پی کے خلاف الیکشن لڑیں گے۔
