اگرتلہ، یکم جون (یو این آئی) تریپورہ کے اگرتلہ میں گزشتہ دو دنوں سے مسلسل بارش کے بعد اچانک سیلاب کی وجہ سے زندگی بری طرح متاثر ہوئی ہے ، تمام بڑی ندیوں میں پانی کی سطح بڑھ گئی ہے لیکن ابھی تک سیلابی صورتحال نہیں ہے ۔مغربی تریپورہ ضلع انتظامیہ نے شہر میں 25 سمیت 28 ریلیف کیمپ کھولے ہیں اور 6000 سے زیادہ لوگوں کو محفوظ مقامات پر منتقل کیا ہے ۔ ڈیزاسٹر منیجمنٹ اتھارٹی نے اشارہ دیا ہے کہ جلد ہی مزید لوگوں کو محفوظ مقامات پر منتقل کیا جائے گا، کیونکہ آج صبح تک بالائی کیچمنٹ ایریا میں شدید بارش کی اطلاع ہے ۔ ڈیزاسٹر منیجمنٹ کے حکام نے کہا، “یہ تریپورہ میں شدید بارش کی وجہ سے مانسون کی معمول کی بارش ہے ، اس لیے اب کسی بڑے سیلاب کی توقع نہیں ہے ۔” آئی ایم ڈی نے مانسون کی معمول کی سرگرمی کے طورپر ریاست میں ایک ہفتہ تک درمیانی سے بھاری بارش کی پیش گوئی کی ہے ۔ ان کا کہنا تھا کہ ہم کسی بھی صورت حال سے نمٹنے کے لیے تیار ہیں۔
