تہران، 6 اگست (یو این آئی) ایران نے چہارشنبہ کے روز دو افراد کو الگ الگ مقدمات میں پھانسی دی، جن میں سے ایک پر اسرائیل کے لیے جاسوسی کرنے اور دوسرے پر داعش کے رکن ہونے کا الزام تھا۔سرکاری میڈیا کی رپورٹ میں یہ بات کہی گئی ہے ۔عدلیہ کی خبر رساں ویب سائٹ میزان آن لائن کی رپورٹ کے مطابق، مبینہ جاسوس کی شناخت روزبہ وادی کے طور پر کی گئی، جس پر اسرائیل کی انٹیلیجنس سروس موساد کو خفیہ معلومات فراہم کرنے کا الزام تھا۔حکام نے کہا کہ وادی نے ایک ایرانی جوہری سائنسدان کے بارے میں معلومات فراہم کیں، جو اسرائیل کے جون میں ایران پر فضائی حملوں کے دوران مارا گیا تھا۔ رپورٹ میں سائنسدان کی شناخت یا وادی کی گرفتاری کے وقت اور مقام کا ذکر نہیں کیا گیا۔رپورٹ کے مطابق، وادی نے آسٹریا کے شہر ویانا میں موساد کے افسران سے پانچ ملاقاتیں کیں۔جون میں اسرائیل نے 12 دن کے فضائی حملے کیے ، جن کا ہدف ایران کے اعلیٰ جنرلز اور جوہری سائنسدان تھے۔
ایران نے ان حملوں کے جواب میں میزائل اور ڈرونز کے ذریعے جوابی کارروائی کی۔اسرائیلی حملوں میں اعلیٰ فوجی کمانڈرز، جوہری سائنسدان اور سینکڑوں دیگر افراد ہلاک ہوئے ، جن میں فوجی مقامات اور رہائشی علاقے دونوں شامل تھے ۔
