یروشلم ۔ 13 ستمبر (سیاست ڈاٹ کام) اسرائیلی وزیر اعظم بنجامن نتن یاہو نے کہا ہے شامی سرزمین سے ایرانی جارحیت کی دھمکیوں سے قطعی طور پر غفلت نہیں برتیں گے۔ ’’انٹر فیکس‘‘ خبر رساں ادارے کے حوالے سے نتین یاہو کا سامنے آنے والا یہ بیان دراصل انہوں نے روسی صدر ولادیمیر پوتن سے سوچی میں ایک ملاقات کے دوران دیا۔دونوں رہنماؤں کے درمیان بحیرہ اسود کے سامنے روس کے صحت افزاء مقام سوچی پر ملاقات ہوئی۔ روسی خبر رساں ادارے کے مطابق ملاقات روسی صدر نے اسرائیل اور ماسکو کے درمیان فوجی اور سیکیورٹی تعاون کی تعریف کی۔اس سے قبل نتن یاہو کے دفتر سے ایک اعلان سامنے آیا تھا کہ وہ سوچی میں ہونے والی ملاقات کے دوران شام کی صورتحال اور ماسکو کے ساتھ بہتر کوارڈینیشن کے لئے روسی صدر سے تبادلہ خیال کریں گے۔کریملن کے ترجمان دمیتری بیسکوف نے بتایا کہ روسی صدر پوتن نے اسرائیلی وزیراعظم کے ساتھ دوطرفہ تعلقات کی میں اضافہ اور مشرق وسطیٰ کی صورتحال پر جمعرات کے روز تبادلہ خیال کیا۔نتن یاہو کے دفتر کے مطابق اسرائیلی وزیراعظم نے شام میں ایران کی بڑھتی ہوئی موجودگی پر اپنی تشویش سے روسی قیادت کو مطلع کیا۔